primuni19Oleiros, 9 de marzo de 2019.- As primarias que se celebraron hoxe na AGRUPACIÓN Socialista de Oleiros deron como resultado a elección de Jorge Pérez como candidato para as eleccións municipais do próximo 25 de maio.

Nestas primarias participaban como candidatos Eduardo Blanco Pereira e Jorge Pérez Méndez, despois de que as eleccións primarias iniciadas no mes de outubro do pasado ano foran suspendidas a petición da Comisión Executiva Provincial do Partido. A Comisión Executiva Federal decideu no pasado mes de xaneiro a apertura dun novo proceso de primarias en diversos municipios nos que se aprazou inicialmente, entre eles en Oleiros. 

Jorge Pérez recibeu o apoio do 83,33 por cento do total de votos, mentras que Eduardo Blanco recibeu o 16, 67 por cento restante. A porcentaxe de participación nestas primarias foi do 74 por cento do total do militantes da agrupación Socialista de Oleiros.

Tanto Jorge Pérez como Eduardo Blanco manifestaron, tras esta votación, a vontade de traballar a prol de establecer unha candidatura ás eleccións municipais que represente e defenda os intereses do conxunto dos oleirenses.

Learn More